ქერქაძნებო, გთავაზობთ ჩვენი საგვარეულო დევიზის, ანუ თანამედროვე ტერმინოლოგიით სლოგანის სავარაუდო და შესაძლო ვარიანტს, რომელიც უნდა ჩაიწეროს საგვარეულო კავშირის წესდების პროექტში და იგი აგრეთვე განთავსდება ამავე სახით საგვარეულო გერბზე, ემბლემაზე ანდა ნებისმიერ სხვა სიმბოლიკაზე. თუკი გაგაჩნიათ სლოგანის თქვენებური განსხვავებული ვარიანტი, უმორჩილესად გთხოვთ გაგვიზიაროთ, რომელიც განხილული იქნება ქერქაძნების უახლოეს საგვარეულო შეკრებაზე მიმდინარე წლის 17 თებერვალს ,კვირას, 15.00 საათზე, სამების საკათედრო ტაძრის საკონფერენციო დარბაზში.
შეწირულობის წიგნი მამია გურიელისა შემოქმედის ეკლესიისადმი.
1814 წლის 11 მარტი.
გურიის მთავარმა მამია სვიმონის- ძე გურიელმა შემოწირა მცირე შესაწირავი დედამისის მარინე წერეთლის სულის საოხად კომლი კაცები: უჩხუთიდან(5), ბახვიდან(1), ასკანიდან(1), ოზურგეთიდან(3). მათ შორის, ასკანიდან ერთი მოსახლე იესე ქერქაძე მსახური, თავისი შვილებითა და ჭურ მამულით, რომელსაც მართებს გადასახადი: სამი ქილა ღომი, ოთხი საწყავი ღვინო, ხუთი ყურუშის საკლავი, ერთი ქათამი და ერთი ლოღარიკი სანთელი.
ინფორმაციის წყარო: ისიდორე დოლიძე-ქართული სამართლის ძეგლები, ტომი VI, გვ.737.
